Мактабларда "Сўнгги қўнғироқ" тадбирларини ўтказиш бўйича тавсиялар ишлаб чиқилди .
Фақатгина 1-, 4-, 9-, 11-синф ўқувчилари «Сўнгги қўнғироқ» тадбирларида иштирок этадилар

Мактабгача ва мактаб таълими вазирлиги томонидан “Умумий ўрта таълим муассасаларида 2022-2023-ўқув йилини якунлаш ва «Сўнгги қўнғироқ» тадбирларини ўтказиш бўйича тавсиялар” ишлаб чиқилди.

Унга кўра, умумий ўрта таълим муассасаларида тадбирни жорий йилнинг 25 май куни эрталаб соат 8:00 дан 9:00га қадар «Илмни қадрланг, илмга интилинг!» шиори остида ташкил этилади.

Тадбирни тартибли ўтказиш ва ўқувчилар хавфсизлигини таъминлаш мақсадида ўқувчилар сонидан келиб чиққан ҳолда ушбу тадбирга фақатгина 1-, 4-, 9-, 11-синф ўқувчилари жалб этилиши белгиланди.

«Сўнгги қўнғироқ» тадбирларини, босқичли назорат имтиҳонлари ва якуний давлат аттестацияларини ўтказишда, таълим муассасаларини янги ўқув йилига тайёрлаш борасида ўқувчи ва битирувчилар ҳамда уларнинг ота-оналаридан турли хил пул йиғимларига йўл қўйиш тақиқланади.